Нови земјотреси во Турција

Два земјотреса – еден со јачина од 4,7, друг со јачина од 4,9 степени според Рихтеровата скала вечерва се регистрирани во порачјето на Турција кое пред неполни седум дека беше погодено од разорниот земјотрес од 7,8 степени. Европскиот медитерански сеизмолошки центар (ЕМСЦ) објави дека ваквите силни последователни потреси се нормални по силни земјотреси и ќе траат со недели и месеци

Земјотрес со јачина од 4,7 степени според Рихтеровата скала е регистриран вечерва во областа на турскиот град Кахраманмарас, соопшти Европскиот медитерански сеизмолошки центар (ЕМСЦ).

🔔#Earthquake (#deprem) M4.7 occurred 16 km SE of #Kahramanmaraş (#Turkey) 6 min ago (local time 21:33:18). More info at:
📱https://t.co/LBaVNedgF9
🌐https://t.co/iMUHDZsOpr
🖥https://t.co/jOo8qOzGsD pic.twitter.com/kS6itwKagK

— EMSC (@LastQuake) February 12, 2023

Земјотресот е регистриран во 21:33 часот по локално време и е со епицентар на 21 километар од градот. Земјотресот бил на длабочина од два километри.

Вечерва земјотрес бил регистриран и во подрачјето на турскиот град Хекимхан. Земјотресот бил со јачина од 4,9 степени според Рихтеровата скала, а бил регистриран во 19:29 часот по локално време. Потресот бил со епицентар на 13 километри од градот и на длабочина од три километри.

Европскиот медитерански сеизмолошки центар (ЕМСЦ) објави дека ваквите силни последователни потреси се нормални по силни земјотреси и ќе траат со недели и месеци.

Турција пред неполни седум дена беше погодена од земјотрес со јачина од 7,8 степени според Рихтеровата скала, кој беше почувствуван и во Сирија. Како последица на земјотресот, досега во двете земји се пријавени над 34 000 загинати, а илјадници други се повредени.

Само во Турција бројот на загинати достигна 29 605, а во Сирија досега се потврдени 4 574 загинати лица.