Нови пукотници вчеравечер во Скопје, по тепачка помеѓу две групи. Од Министерството за внатрешни работи за „Макфакс“ посочуваат дека во близина на Радишани бил нападнат полицаец кој во моментот не бил на работа, но и две други лица.. Ова се случувало на еден час по полноќ.
„Н.Б., Е.Б. и М.С., кои биле со возило „БМВ“, како и неколку лица кои биле со возило „цитроен“ му го блокирале патот на возилото „рено“ во кое биле П.П., Д.К. и Ф.Г. и почнале да удираат по возилото и физички ги нападнале. Потоа П.П. испукал неколку пати во воздух од службениот пиштол, по што лицата кои биле со возило „цитроен“ се дале во бегство“, велат од МВР.
На нападнатите им е пружена лекарска помош во Клинички центар Скопје. Известен е јавен обвинител и се преземаат мерки за расчистување на случајот.
ИЗВОР: skopjeinfo.mk
