ЈП „Градски паркинг“ – Скопје изврши надградба и модификација на постоечкиот систем за наплата на јавното паркиралиште „Градска Болница“.
Со новиот начин на наплата за услугата се изврши замена на хартиените бар код картички за еднократна употреба, па така во иднина ќе се користат нови електронски магнетни картички за наплата.
– Новиот систем за наплата се воведува со цел зголемена функционалност на паркиралиштето од економски аспект, но и во интерес на заштита на животната околина. Со електронските картички, претпријатието, ќе има значителна заштеда на трошоците за хартија и печатење, соопштија од претпријатието.
ИЗВОР: skopjeinfo.mk
