Московскиот патријарх најавува „крај на светот“: Лудаците да сфатат дека уништувањето на Русија ќе значи крај

January 22, 2023
1 min read

Тој досега отворено ја поддржуваше војната на Владимир Путин во Украина и често во јавните настапи ја оправдуваше агресијата. Обвинуваше дека надворешни сили сакаат да ја ослабнат Русија, а во последниот говор отиде подалеку најавувајќи го крајот на светот ако Русија претрпи пораз. Упати и повик до парохиите да ѝ помогнат на руската војска на фронтот, па дури ако можат луѓето и сами да отидат таму

Патријарх Кирил, Руска православна црква / Photo: EPA-EFE/MAXIM SHIPENKOV

Поглаварот на Руската православна црква (РПЦ), московскиот патријарх Кирил Први го повика локалното свештенство посилно да ѝ помогне на руската војска што се бори на фронтовите во Украина.

Затоа, тој ги повика сите црковни парохии да го „мобилизираат своите парохијани“.

Неговиот говор го објави прес-службата на Московската патријаршија.

„Ако велиме дека црквата е со својот народ, тогаш секоја парохија треба да им помогне на оние кои се на борбената линија. Мораме да ги мобилизираме нашите парохијани за собирање храна и други работи. Барајте можности, собирајте пари, испраќајте пакети, ако е можно, одете и сами, поддржете ја војската“,

апелира патријархот за време на празничен оброк во Соборниот храм Богојавление.

Поглаварот на РПЦ во говорот ја споредува војната со Украина со Големата патриотска војна и Патриотската војна од 1812 година кога, вели, „цела обединета Европа се обидела да ја освои Русија“. Сега, според него, „целиот западен свет повторно кренал оружје против Русија“.

„Зошто нема да се откажеме? Затоа што ние сме алтернатива, а алтернативата е многу привлечна. Тоа е Русија која ги отфрла најлошите манифестации на глобализацијата и која стана светилник на светот. Луѓето ја гледаат Русија како земја која покажува локалност на традиционалните вредности како што се семејството, чувството на должност и патриотизам“,

вели патријархот.

Според него, Русија која силно ѝ се спротивставува на глобализацијата, ужива „големи симпатии кај многу луѓе кои живеат на Западот“.

Рускиот претседател Владимир Путин и рускиот патријарх Кирил / Фото: EPA-EFE/MIKHAIL METZEL / KREMLIN

Патријархот и досега отворено ја поддржуваше војната на Владимир Путин во Украина и често во јавните настапи ја оправдуваше агресијата. Обвинуваше дека надворешни сили сакаат да ја ослабнат Русија, а во последниот говор отиде подалеку најавувајќи го крајот на светот ако Русија претрпи пораз.

„Желбата да се победи Русија денес доби многу опасни форми. Се молиме на Господ да ги вразуми лудаците и да им помогне да сфатат дека секоја желба за уништување на Русија ќе значи крај на светот“,

вели патријархот Кирил во последниот говор.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Спалети: Имаме голема шанса да го освоиме „Скудетото“

Следно

Во Шпанија е разбиена банда која експлоатирала бегалци од Украина

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop