Денес разговараме за неколку заменици министри, каде што треба да се разрешат и моето мислење е дека навистина треба да се разрешат, но не само овие министри туку и целата влада, рече од собраниската говорница пратеникот и потпретседател на ВМРО-ДПМНЕ, Владо Мисајловски.
-Кога ќе се погледнат сите стратешки документи, коага ќе се погледне целата програма на владата, нивните стратешки приоритети ќе видиме дека ништо не е исполнето. Треба да разговараме за Башким Хасани, претпоставувам најголем дел од македонската јавност ниту слушнала ниту го познава овој човек, ниту пак знае дека нешто е направено или пак некоја реформа од него. Тој е актуелен во последно време поради активностите во некоја група што не им се допаѓа на ДУИ и затоа го менуваат. Претпоставувам дека премиерот поима нема ни кои се овие луѓе што се предложени ниту пак знае нешто за нивната биографија, туку важно е да бидат предлози од оние кои влегуваат во владата и за жал не смее ништо да рече, истакна Мисајловски.
Тој посочи дека пред неколку години ова истото му го говорел на еден дргу премиер мислејќи на Зоран Заев, дека важно е овие луѓе да бидат квалитетни, а не кој од која партија доаѓа.
-Ова што се случува овие денови е за потсмев, ова е навистина поигрување со интелигенцијата на народот, бидејќи постојано велеа дека ќе има зголемување на мнозинството во собрание, но тоа не се случи, потенцираше Мисајловски.
Мисајловски додаде дека оваа власт тапка во место, а со ваквите потези само се губи време.
ИЗВОР: kurir.mk
