Градоначалникот на Општина Бутел, Дарко Костовски информира дека детското игралиште кое се наоѓа веднаш до ООУ „Гоце Делчев“, доби нов лик со нови содржини.
Нова високо квалитетна гумирана мека подлога е поставена за безгрижна игра на дечињата. Нови реквизити, нова урбана опрема, како и нова ограда за поголема безбедност се поставени на новото детско игралиште.
– Овој проект е дел од градежната офанзива во Љубанци која вчера започна. Општина Бутел ја правиме поубаво место за живеење со многу нови содржини, информира Костовски.
ИЗВОР: skopjeinfo.mk
