ЛОКАЛИТЕТОТ ВЛАХО КАЈ ЖИВОЈНО Е НАЈСТАРАТА НЕОЛИТСКА НАСЕЛБА ВО МАКЕДОНИЈА, А И ЕДЕН ОД НАЈРАНИТЕ ВО ЕВРОПА, ВЕЛИ НОВО ИСТРАЖУВАЊЕ

January 24, 2023
1 min read

Aрхеолошкиот локалитет Влахо кај Живојно во Пелагонија е засега најстарата неолитска населба во Македонија, соопшти Центарот за истражување на предисторијата. Датирана во 64. век пред н. е.,  таа е основана дури 300 години пред останатите во овој регион, што воедно претставува и еден од најраните неолитски локалитети во Европа.

Археологот Гоце Наумов од Центарот вели дека освен неговото екслузивно датирање, локалитетот Влахо е специфичен и по присуството на десетина ровови и објекти, што било  регистрирано со геофизичкото скенирање на неговиот простор. Археолошкото истражување на локалитетот го потврди постоењето на овие ровови, како и богатата стратиграфија сочинета од ранонеолитски слоеви во кои има остатоци од куќи од лепеж, белосликана керамика, фигурини, жртвеници, антропоморфни модели на куќи и алатки. Археоботаничките и археолошките анализи укажуваат на конзумирање храна од пченица, јачмен, леќа, грашок, јаболки, капини, говеда, овци, кози и свињи, и тоа уште во самите почетоци на овој особено значаен локалитет.

Локалитетот Влахо кај Живојно се истражува веќе неколку години во соработка меѓу Центарот за истражување на предисторијата и Завод и музеј – Битола, при што се вклучени и стручњаци од Универзитетот од Базел, Шпанскиот национален совет за наука, Универзитетот во Белград, Завод и музеј – Прилеп, Институтот за старословенска култура, Археолошкиот музеј на Македонија и студенти од Универзитетот „Св. Кирил и Методиј“ и Универзитетот „Гоце Делчев“. Различни сегменти од овие обемни мултидисциплинарни истражувања се подржани од германската Фондација за истражување и заштита на тумбите, Универзитетот во Базел, македонското Министерство за култура, шпанскиот Национален совет за наука, Фондот Западен Балкан и Европската Унија.

Резултатите добиени од мултидисциплинарното истражување на Влахо кај Живојно се публикувани во списанитето „Патримониум“, а уште неколку научни труда се дадени во печат во еминентни светски издавачки куќи, додава Наумов.

„Целта на авторите беше овие извонредни сознанија ексклузивно да бидат објавени пред македонската јавност и археолошката фела, после што следи и нивно скорешно публикување во неколку европски и американски списанија. Новите откритија за овој локалитет беа презентирани на меѓународниот собир на Европската асоцијација на археолозите во Будимпешта, како и на предавања во Рим и Берлин, така што археолошката заедница ја препозна специфичноста на оваа неолитска населба и го подржува нејзиното натамошно афирмирање. На тој начин овој археолошки локалитет постепено го добива своето заслужено место во академскиот свет, што ќе придонесе и за негово подобро презентирање пред пошироката јавност“, вели Наумов.

Б. НЕСТОРОСКА

 

 

ИЗВОР: sdk.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Сараево меѓу најзагадените градови во светот

Следно

Театар Комедија во 2023 година стартува со претставата „Жени во Собрание“

Latest from Blog

Во Србија во 2024 година, 37.000 жители помалку од претходната, природниот прираст останал негативен

Во 2024 година, Србија имала 6,59 милиони жители, што е за околу 37.000 помалку од претходната година, додека просечната возраст на населението достигнала 44 години, а очекуваниот животен век бил 78,4 години

„Подземниот град“ на Тито во Далмација – денес туристичка атракција

Во кањонот Велика Пакленица, во средна Далмација, близу Стариград, Хрватска, меѓу 1950. и 1952 година, во строга тајност била изградена мрежа тунели коишто требало да служат како засолниште и логистичка база во

Лабудвоиќ: Сите опизициски гласови се за промена – промената во центар е неизбежна!

Прес-конференција на кандидатот за градоначалник на општина Центар, Мирослав Лабудовиќ: „Ви благодарам за огромната поддршка што ми ја дадовте во првиот круг на изборите за градоначалник на нашата општина. Центарци јасно ја

Меџити и Бакиу со поддршка за Ѓорѓиевски во вториот круг во Скопје

Кандидатот за градоначалник на Скопје, Орце Ѓорѓиевски, денес оствари средба со новоизбраниот градоначалник на Чаир, Изет Меџити, и со кандидатот за градоначалник на Скопје од Коалицијата „Вреди“, Башким Бакиу. На средбата, Меџити
Go toTop