Лидерите на водечките европски земји испратија порака за поддршка на Украина

February 25, 2023
1 min read

БРИСЕЛ (АА) – Европските лидери упатија порака за поддршка на Украина на годишнината од војната во таа земја, вклучувајќи ги и лидерите на владите на Италија, Германија, Шпанија, Велика Британија, Франција и Грција, известува Анадолу.

Премиерката на Италија, Џорџа Мелони, сподели видеопорака на социјалната мрежа Твитер во која ги критикува руските „експанзионистички цели“.

„Украина не е ниту ќе биде сама бидејќи ги брани вредностите на слободата и демократијата врз кои се раѓа европскиот идентитет и се темели меѓународното право“, порача Мелони.

Германскиот канцелар, Олаф Шолц, исто така на Твитер сподели видеопорака во која ја осудува војната што започна пред една година.

Ги поздрави санкциите против Русија и поддршката што Европската Унија и Германија ѝ ја пружаат на Украина.

„Германија цврсто стои покрај Украина, денес и во иднина, бидејќи нашите испораки на оружје не ја продолжуваат војната. Колку побргу рускиот претседател ќе сфати дека нема да ја постигне својата империјалистичка цел, поголеми се шансите за крај на војната. Путин го има тоа во своите раце, тој може да ја заврши оваа војна“, порача Шолц.

Шпанскиот министер за надворешни работи, Хозе Мануел Албарес, на Твитер изрази тага и порача дека неговата земја ќе продолжи да го поддржува народот на Украина и Владата во одбрана на мирот, слободата, нивниот суверенитет и територијалниот интегритет.

Премиерот на Грција, Киријакос Мицотакис, на Твитер објави дека Атина непоколебливо стои покрај храбрите бранители на слободата и демократијата.

„Нашите мисли се и со разорениот град Мариупол и нашите сограѓани Грци таму. Стоиме покрај Украина до победата“, порача Мицотакис.

И британскиот премиер, Риши Сунак, на Твитер објави порака со слика од украинското знаме што се виори над Даунинг стрит.

„Една година по руската инвазија, украинското знаме продолжува да се виори над Даунинг стрит и на зградите низ Обединетото Кралство, како знак на нашата непоколеблива поддршка кон Украина и нејзината борба за слобода“, порача Сунак.

Претседателот на Франција, Емануел Макрон, на Твитер напиша порака во која му се обрати на украинскиот народ.

„Народе на Украина, Франција стои на ваша страна, за солидарност, за победа, за мир“, наведе Макрон во пораката.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO MACEDONIA

EVN MACEDONIA

MARKETING

Претходно

Мицкоски во Велес на увид во градежните работи кај паркингот на социјалните згради во населба Тунел

Следно

Уапсен дилер на дрога во Ѓорче Петров

Latest from Blog

Зошто Мараја Кери и по 20 години тврди дека не ја познава Џенифер Лопез ? (ВИДЕО)

Тој момент наскоро влезе во историјата на поп-културата, а повеќе од две децении подоцна, пејачката повторно проговори за позадината на нејзината позната изјава. „Работата е во тоа што бев искрена кога го

Анхоч го стартува „GG October“ – месецот на гејминг и технологија за сите љубители на добар сетап.

Октомври во Анхоч носи ново, возбудливо поглавје! Со кампањата GG October, Анхоч го отвора месецот на врвна технологија и инспирација за сите љубители на моќен и совршен дигитален сетап. Ова не е

Димитриевски го повика Филипче на ТВ дуел: Да ги соочиме аргументите за сите прашања јавно

Лидерот на Движењето ЗНАМ – за наша Македонија, Максим Димитриевски го повика претседателот на СДСМ Венко Филипче на дуел, каде ќе ги соочат аргументите за сите прашања јавно, наместо да се занимаваат

Српски историчар до Путин: Што мислите за обидот за ШАРЕНА РЕВОЛУЦИЈА ВО СРБИЈА?

Рускиот претседател Владимир Путин одржа говор во Сочи на 22-от годишен форум на Меѓународниот дебатен клуб Валдај. По говорот, тој одговори на прашања од новинарите. Српскиот историчар Александар Раковиќ го праша Путин
Go toTop