Ламбе и Антониа ќе ја испеат „Вечниот Бог“ во дворот на општина Гази Баба

Градоначалникот на Општина Гази Баба, Бобан Стефковски ги покани сите дечиња да дојдат во дворот на општината утре (06.01.2023) во 10.00 часот.

– Заедно со Ламбе Алабаковски и Антониа Гиговска во дворот на општината ќе ја испееме песната „Вечниот Бог“, а сите дечиња заедно со Ламбе и Антониа ќе ги даруваме со божиќни пакетчиња, напиша Стефковски.

Општина Гази Баба ќе организира и бесплатен автобуски превоз од три локации во општината, по што автобусите ќе застануваат на секоја постојка.

Почетни локации на автобусите:

Црешево на сред село во 09:15 часот;

Идризово на автобуската станица во 09:15 часот;

Хиподром на почетна 50ка во 09:30 часот.