Рускиот премиер Михаил Мишустин состави список на земји кои наметнуваат „деструктивни ставови кои се во спротивност со руските духовни и морални вредности“, пренесе ТАСС.
Списокот вклучува 47 земји, од кои речиси сите претходно беа означени од Русија како „непријателски“. Меѓу нив е и Македонија, како и сите членки на НАТО, со исклучок на Турција.
Исто така на списокот се и сите земји членки на ЕУ, освен Унгарија и Словачка. Документот беше потпишан од Мишустин на 20 септември, а беше издаден во согласност со указот на претседателот Владимир Путин од 19 август годинава.
Извор: 24vesti.mk
