Конте: Ајнтрахт одигра добро „катанаџо“

Синоќа во рамките од новото коло во Лигата на Шампионите, тимот на Наполи, на чело со нашиот Елиф Елмас во составот на домашен терен одигра само 0:0 против екипата на Ајнтрахт. Иако се очекуваше домашен триумф сепак, офанзивата на „Наполитанците“ не вроти со плод. Напротив, како што самиот тренер на Наполи, Антонио Конте по натпреварот изјави, германците одиграле одлично „Кананаџо“, мислејќи секако на дефанзивата која ја практикуваа во текот на сите деведесет минути.

„Можеме да кажеме што сакаме, но ако не постигнете гол, не победувате. Очигледно дека Ајнтрахт одлично научил како да практикува италијанска верзија на дефанзива „Катанаџо“. Да игравме ние таков натпревар во Германија ќе зборуваа за старомоден фудбал. Се обидуваме да внесеме повеќе европски стил во нашата игра. Штета е што не постигнавме гол, но не можам да ги обвинам момците за нивната посветеност“,  рече Конте.