Конечни резултати од првиот круг избори во Туркије

АНКАРА (АА) – Во Службениот весник на Република Туркије денес е објавена одлуката на Врховната изборна комисија (YSK) за конечните резултати од претседателските избори одржани на 14 мај, јавува Анадолу.

Во одлуката на Комисијата е наведено дека во првиот круг од претседателските избори гласале 55.833.153 од 64.145.504 регистрирани гласачи во земјата. Важечки биле 54.796.049 гласови, а неважечки 1.037.104 гласа. Одѕивот на гласачите бил 87,04 отсто.

Од 3.423.759 регистрирани гласачи во странство гласале 1.691.287 од кои важечки биле 1.676.268 гласови, а неважечки 15.019. Стапката на излезност на изборите во странство била 49,40 отсто.

Според распределбата на важечките гласови, кандидатот на Народната алијанса и актуелен претседател Реџеп Таип Ердоган доби 27.133.849 гласови (49,52 отсто). Кандидатот на Националната алијанса, Кемал Киличдароглу, освои 24.595.178 гласови (44,88 отсто).

Кандидатот на Алијансата на предците, Синан Оган, освои 2.831.239 гласови (5,17 отсто). Четвртиот кандидат Мухарем Инџе, кој непосредно пред изборите изјави дека се повлекува од трката, освои 235.783 гласови (0,43 отсто).

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).