Мислам дека треба да се подготвиме за можноста оваа нова економска реалност да продолжи уште многу години. Најновите кратења на работни места доаѓаат кога компаниите, вклучувајќи ги „Гугл“ и „Амазон“, се борат со тоа како да ги балансираат мерките за намалување на трошоците со потребата да останат конкурентни, вели извршниот директор на Мета
„Мета“, компанијата која ги поседува Фејсбук, Инстаграм и Ватсап, објави дека планира да отпушти 10 000 работници. Тоа ќе биде втор бран масовни отпуштања од технолошкиот гигант, кој отпушти 11 000 вработени во ноември минатата година. Извршниот директор на „Мета“, Марк Закерберг, рече дека намалувањата ќе бидат „сериозни“.
Закерберг им потврди на вработените дека, заедно со кратењето на 10 000 работни места, 5 000 слободни работни места во компанијата ќе останат непополнети. Во писмото, тој им рекол на вработените дека верува оти компанијата доживеала „повик за будење“ во 2022 година кога доживеала драматично забавување на приходите, пишува Би-Би-Си.
„Мета“ претходно објави дека заработката паднала за четири отсто на годишно ниво во трите месеци до декември 2022 година, иако сепак успеала да оствари профит од повеќе од 23 милијарди долари во текот на минатата година. Закерберг ги наведе повисоките каматни стапки во САД, глобалната геополитичка нестабилност и зголемената регулатива како некои од факторите кои влијаат на забавувањето на компанијата.
„Мислам дека треба да се подготвиме за можноста оваа нова економска реалност да продолжи уште многу години. Најновите кратења на работни места доаѓаат кога компаниите, вклучувајќи ги ‘Гугл’ и ‘Амазон’, се борат со тоа како да ги балансираат мерките за намалување на трошоците со потребата да останат конкурентни“,
додаде тој.
„Амазон“ објави претходно оваа година дека планира да укине повеќе од 18 000 работни места поради „неизвесната економија“ и брзото вработување за време на пандемијата, додека матичната компанија на Гугл „Алфабет“ отпушти 12 000 работници. Според layoffs.fyi, кој ги следи загубите на работни места во технолошкиот сектор, повеќе од 128 000 работни места се укинати во технолошката индустрија досега во 2023 година.
Извор: 360stepeni.mk
