Кина: Одлучно ја победивме епидемијата на ковид

1 min read

Речиси 800 000 тешки случаи добиле соодветен третман, но лидерите предупредија дека иако епидемиолошката ситуација во Кина се подобрува, вирусот сè уште се шири на глобално ниво и продолжува да мутира

Врвните лидери на Кина прогласија „одлучна победа“ над ковид-19, велејќи дека нивните напори покажале дека повеќе од 200 милиони луѓе добиле медицински третман и имаат најниска стапка на смртност во светот.

„Со континуирани напори за оптимизирање на мерките за превенција и контрола на ковид-19 од ноември 2022 година, одговорот на Кина на ковид-19 направи непречена транзиција за релативно кратко време. Постигната е голема решавачка победа во превенцијата и контролата на епидемијата“,

истакна Постојаниот комитет на Политбирото на Кина (ПСЦ) на вчерашниот состанок.

Речиси 800 000 тешки случаи добиле соодветен третман, но лидерите предупредија дека иако епидемиолошката ситуација во Кина се подобрува, вирусот сè уште се шири на глобално ниво и продолжува да мутира, објавија државните медиуми, пренесува Ројтерс.

На средбата беше истакнато дека Кина ќе ја зголеми стапката на вакцинација за старите лица и ќе го зајакне снабдувањето и производството на медицински производи.

ПСЦ, најмоќното раководно тело во Кина, ги повика сите локални власти и одделенија да го зајакнат системот на медицински услуги, се наведува во извештајот на Синхуа.

Во декември, Кина ја укина својата речиси тригодишна строга политика по протестите против строгите владини антивирусни ограничувања.

Извор: 360stepeni.mk

Претходно

ВИДЕО: По 260 часа спасено 12 годишно момче во Турција

Следно

Лионел Скалони останува селектор на Аргентина до 2026 година

Latest from Blog