Пеп Гвардиола се најде на удар на навивачите на Реал Мадрид поради провокациите по синоќешната победа над Манчестер Сити (4-0), но страстите не стивнаа доволно кога видоа што потоа објави неговата ќерка Марија.
По натпреварот на „Етихад“, Пеп Гвардиола беше во центарот на вниманието поради контроверзната фотографија која беше објавена на која Гвардиола крена четири прсти во воздух алудирајќи на победата против својот најголем ривал.
Сепак, по Гвардиола на удар се најде и неговата ќерка Марија, која со објава на Инстаграм му даде поддршка на својот татко.
Марија, исто така, реши да ги испровоцира навивачите на Реал Мадрид со објава на Инстаграм откако ја виде лавината критики што нејзиниот татко ја доби за контроверзната фотографија која се појави по натпреварот.
Таа синоќа беше на „Етихад“ за да ги бодри својот татко и Манчестер Сити, а по мечот со порака до Пеп објави како изгледа семафорот на кој пишува 4-0.
„Уште една фудбалска демонстрација на генијалноста на Пеп Гвардиола. Толку сум горда, те сакам“, напиша Марија, но на навивачите на Реал им пречеше тоа што таа ги стави семафорот и резултатот во преден план.
ИЗВОР: kurir.mk
