Градоначалникот на Општина Центар, Горан Герасимовски оствари средба со претставници од здружението на граѓани за помош на бездомници и социјално загрозени „Љубезност“.
– Општина Центар планира да стартува со иницијативата за отворање на Народна кујна. Со оглед на тоа дека во нашата Општина има жители и семејства кои се на работ на својата животна егзистенција се јавува потребата за функционирање на ваков тип на кујна, како социјален сервис што ќе биде помош за корисниците на овие услуги, кажа Герасимовски.
Општината ќе обезбеди простори и прибор за јадење и средства за хигиена, додека во моментов се прават напори и да се вклучат општествено одговорни компании, угостителски објекти и пекари.
ИЗВОР: skopjeinfo.mk
