Јапонскиот премиер ја посети Буча

March 21, 2023
1 min read

Кишида е првиот шеф на јапонска влада по Втората светска војна кој посетил воена зона. Неговата посета се совпаѓа со престојот на кинескиот претседател Си Ѓинпинг во Москва

Јапонскиот премиер Фумио Кишида во рамки на својата историска посета на Украина денеска го посети Буча, гратчето недалеку од Киев, кое стана симбол на злосторствата на руската окупација.

Кишида пристигна во Буча со воз рано попладне, веднаш по пристигнувањето во Киев, а пред средбата со претседателот Володимир Зеленски. Киев смета дека неговото доаѓање во земјата за време на војната е историско. Кишида е единствениот лидер на земја од групата Г7 кој досега не бил во Киев.

„Оваа историска посета е знак на солидарност и силна соработка меѓу Украина и Јапонија. Благодарни сме на Јапонија за нејзината силна поддршка и придонес за нашата идна победа“,

напиша заменик-министерката за надворешни работи на Украина, Емине Дјепар на Фејсбук.

Кишида е првиот шеф на јапонска влада по Втората светска војна кој посетил воена зона. Неговата посета се совпаѓа со престојот на кинескиот претседател Си Ѓинпинг во Москва.

Како одговор на пристигнувањето на јапонскиот премиер во Киев, руското Министерство за одбрана соопшти дека два руски стратешки бомбардери летале над Јапонското Море седум часа.

Кишида се среќава со Зеленски за да ја изрази својата „почит кон храброста и истрајноста на луѓето кои ја бранат својата татковина под негова команда, како и непоколебливата поддршка и солидарност на Јапонија и групата Г7“.

Јапонија е исто така домаќин на самитот на Г7 во Хирошима во мај. Земјата континуирано ја поддржува Украина и воведува санкции кон Русија, но не испраќа воена помош бидејќи јапонскиот пацифистички устав ги ограничува воените капацитети на земјата само на самоодбрана.

Фото: EPA-EFE/Ministry of Foreign Affairs of Ukraine

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Видео од тунелот во „Идризово“: Бил долг 40 метри, го копале осудени на доживотен затвор

Следно

Седлоски повеќе не е тренер на Шкупи

Latest from Blog

Божиновска: Македонските енергетски приоритети ги претставуваме пред светските лидери

Министерката за енергетика, рударство и минерални суровини, Сања Божиновска, учествува на Лидерскиот самит во рамките на COP31 во Анталија, Турција, како дел од државната делегација предводена од претседателката Гордана Сиљановска-Давкова. Според Божиновска,

ВЛЕН: Али Ахмети да поднесе оставка, документите ја откриваат соработката на ДУИ со српските центри на моќ

Коалицијата ВЛЕН побара оставка од лидерот на ДУИ, Али Ахмети, обвинувајќи ја неговата партија за долгогодишна политичка и деловна соработка со структури поврзани со Србија. Од ВЛЕН тврдат дека документи покажуваат оти

Проданоски: Во Прилеп го одбележавме Денот на примирјето од Првата светска војна

На германските воени гробишта во Прилеп беше одбележан Денот на примирјето и им беше оддадена почит на жртвите од Првата светска војна. Градоначалникот Дејан Проданоски присуствуваше на покана на германската амбасадорка Петра

Коњановски: Паметна мобилност, сајбер-безбедност и водоснабдување на меѓународната конференција во Израел

Градоначалникот на Битола, Тони Коњановски, и секретарот на Општината, Борче Димитровски, учествуваат на 35. Меѓународна конференција на градоначалници во Тел Авив, Израел. Конференцијата е посветена на темата „Оспособување на градовите на иднината“,

Тоневски: Љубопитноста на најмладите е поттик за подобар Пробиштип

Ученици од четврто одделение при ООУ „Браќа Миладиновци“ ја посетија Општина Пробиштип, каде што се запознаа со работата на градоначалникот, функционирањето на општинската администрација и надлежностите на локалната самоуправа. Градоначалникот Тони Тоневски
Go toTop