Иран: „Туркије има клучна улога во процесот од Астана“

ИСТАНБУЛ (АА) – Иран денес ја пофали „клучната улога“ на Туркије во процесот од Астана за намалување на тензиите во Сирија, јавува Анадолу.

Портпаролот на Министерството за надворешни работи, Есмаил Багаи, говорејќи на неделната прес-конференција, го истакна значењето на процесот од Астана за деескалација на тензиите во Сирија, велејќи: „Туркије има клучна улога во процесот од Астана.“

„Таа одигра корисна и конструктивна улога во намалувањето на тензиите во Сирија“, нагласи тој, истакнувајќи: „Овој процес мора да продолжи и ние треба да го искористиме за да ја подобриме ситуацијата во Сирија.“

Багаи истакна дека процесот од Астана останува најтрајниот и најефикасниот механизам за управување со кризата во земјата разурната од војна.

„Како дел од процесот од Астана, Туркије, Иран и Сирија направија значителни напори за намалување на регионалните тензии“, потсети тој.

„Трите земји гаранти презедоа чекори за контролирање на овие тензии“, рече портпаролот.

„Процесот од Астана останува активен, а меѓународната заедница го препознава неговото влијание.“

Во врска со посетата на иранскиот министер за надворешни работи Абас Арагчи на Анкара, официјалниот претставник рече дека неговите состаноци ќе се фокусираат на напорите за борба против тероризмот.

Преговорите за форматот Астана беа започнати во 2017 година со земјите гаранти Туркије, Русија и Иран за изнаоѓање решение за сириската граѓанска војна што започна на почетокот на 2011 година.

Судири започнаа на 27 ноември меѓу силите на режимот на Асад и антирежимските вооружени групи во Алепо во Северна Сирија, што означи повторна ескалација на борбите по периодот на релативна смиреност во граѓанската војна што ја зафати Сирија во 2011 година.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.