Напредува изградбата на телекомуникациската кула на Водно во Скопје, која Агенцијата за електронски комуникации (АЕК) почна да ја гради во 2013. Во моментов, на терен градежните работи се интензивирани. Во средина целосно е направено бетонското стебло, се работи на четирите платформи во форма на чинии и на четирите како извиткани столбови.
На врвот на телекомуникациската кула, која ќе биде висока 155 метри, ќе има панорамски ресторан кој сè уште не е почнат да се гради.
Објектот ќе биде со централно армиран бетонски столб на кој ќе бидат четири конзолни платформи и челично решеткаст столб, а на врвот ќе има антена. На платформите ќе има канцелариски простор и ќе биде сместена целата опрема.
Изведувач на градежните работи е градежното претпријатие „Гранит“. Вредноста на договорот за градежни работи е околу 18 милиони евра.
ИЗВОР: skopjeinfo.mk
