Хусто Хорхе Падрон беше еден од најистакнатите бранители на постоењето на Македонија

April 11, 2023
2 mins read

Во Струга, во Паркот на поезијата, НУМ „Струшки вечери на поезијата“ во соработка со Амбасaдата на Кралството Шпанија организираа свечен настан Чествување на лауреатот на СВП, Хусто Хорхе Падрон

Во рамки на Програмата на настанот, во присуство на претставници на локалната самоуправа и љубители на поетскиот збор, свои обраќања имаа Тодорче Тасевски, директорот на СВП, како и Ернесто Хередеро дел Кампо, заменик шеф на Мисијата на Кралството Шпанија.

Тодорче Тасевски истакна:  „Особено значајно е овој настан да се случи токму во Струга и токму во Паркот на поезијата, покрај дрвото што го засади Хусто Хорхе Падрон во 1990 година. Ретки се земјите што можат да се пофалат со поетски фестивали со таква репутација како Струшките вечери на поезијата, фестивал кој ги има како лауреати најпознатите светски поети од втората половина на 20. век и првите декади на 21. век. Струга пак, е можеби единствен град во светот што го има и Паркот на поезијата како единствено сведоштво за присуството на големите поети, и по нивното физичко заминување од овој свет. Наша заедничка обврска е да го направиме место во кое поезијата ќе се слави постојано. Верувам дека денешниот настан е придонес кон таа цел“

Ернесто Хередеро дел Кампо во своето излагање потенцираше: „ Денеска му оддаваме почит на еден голем поет и голем човек. Но, исто така, и на човек што беше една од најсилните врски што ја обединуваат Шпанија со оваа прекрасна земја. Не претерувам ако кажам дека Хусто Хорхе Падрон беше еден од најистакнатите бранители на постоењето на оваа земја. Неговата љубов кон оваа земја се отелотвори не само во разновидните стихови и списи, туку и во цврстата одбрана, на сите фронтови, на идентитетот на оваа земја и нејзината културна големина.“

Специјални гости на настанот беа членовите на најблиското семејство на лауреатот: неговата сопруга Клеопатра Филипова де Хорхе Падрон, и Лара де Хорхе Филипова, нивната ќерка.

Сопругата на лауреатот, Клеопатра во своето излагање истакна : Денес е многу емотивен ден за мене и моето семејство бидејќи се навршуваат две години од заминувањето на нашиот сопруг и татко, шпанскиот поет , добитник на Златен венец на струшките вечери на поезијата,Хусто Хорхе Падрон.  Се собравме тука во Струга, светската метропола на поезијата, да изразиме почит кон овој голем пријател на Македонија кој беше вљубен во нејзината историја, традиција, природа а особено во нејзината поезија и нејзиниот народ.

Нашиот истакнат универзитетски професор и поет Иван Џепароски одржа беседа за Хусто Хорхе Падрон и неговиот придонес како пријател на Струшките вечери на поезијата

Во својата беседа тој подвлече: „Поезијата на Хусто Хорхе Падрон која брои околу 40 стихозбирки се чита преведена во околу 60 земји во светот, но Падрон е автор и на десетина книги есеи и поетски антологии, меѓу кои, како извонреден познавач на скандинавските јазици, ги приредува и поетските антологии на шведската, норвешката и на исландската поезија. Секако, за нас е најважна антологијата на македонската поезија, која под насловот „Антологија на современата поезија на Македонија“ (Antología de la Poesía Contemporánea de Macedonia) се објавува на шпански јазик во 1989 година. Падрон е автор и на книгата од 2016 година „Сјајот на Македонија“ (Fulgor de Macedonia), со што на особен начин ѝ оддава почит и на татковината  на неговата љубена сопатничка Клео, што се воочува и од повеќето песни посветени на убавините на нашата земја. Сепак, треба да се укаже и дека Македонија знаела да му се оддолжи на Падрон. На овој план, најмногу треба да се истакне важноста на преведувачот и на толкувачот на неговото дело кај нас, поетот и академик Матеја Матевски, и самиот, исто така, еден од добитниците на „Златниот венец“ на СВП.“

Во чест на Хусто Хорхе Падрон, беа прочитани негови стихови на шпански, на македонски и на албански јазик. Песните се дел од од монографијата за лауреатот, издадена во 1990 година, за која што приредувач беше големиот македонски поет Матеја Матевски, во соработка со Клеопатра Филипова де Хорхе Падрон.

Хусто Хорхе Падрон, лауреат на Струшките вечери на поезијата за 1990 година, но и голем пријател на Струшките вечери на поезијата е роден на 1 октомври 1943 година, а почина на 11 април, 2021 година.

Автор на фотографиите Сергеј Миладин

 

 

 

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ИЗВОР: republika.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Амбасада на САД: Нема мирно да гледаме како Додик го поттикнува новиот конфликт во Босна и Херцеговина

Следно

Чави веќе почнал разговори за нов договор со Барселона

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop