Грција одлучи да продолжи со процесот на купување израелски ракети „Спајк НЛОС“

АНКАРА (АА) – Грција одлучи да продолжи со купување на ракетите „Спајк НЛОС“ од израелско производство, пренесува „Анадолу“.

„Одлуката е донесена на последниот состанок на владиниот Совет за надворешни работи и одбрана, со кој претседаваше премиерот Киријакос Мицотакис“, јави весникот „Катимерини“.

Повикувајќи се на соопштение на Советот, весникот нагласува дека програмата Спајк НЛОС ќе се реализира со потпишување договори „во кои се предвидува зголемено учество на домашната одбранбена индустрија“.

Сепак, се истакнува дека деталите за придонесот на домашната индустрија сè уште не се конкретизирани.

Грција неодамна потпиша повеќе големи договори за оружје, како договор за беспилотни летала од Израел, за авионите „Рафал“ од Франција, како и за надградба на нејзината флота авиони Ф-16 од САД.

Атина, исто така, контактира со Вашингтон за потенцијално купување на најмалку 20 стелт авиони Ф-35.

Туркије континуирано ја предупредува Грција да не се впушта во залудна трка во вооружување, нудејќи наместо тоа, решавање на отворените прашања, оние во Егејот, Источниот Медитеран и Кипар, преку дијалог со добра волја во услови на зголемени тензии меѓу двете земји.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..