Градоначалникот на општина Ѓорче Петров Александар Стојкоски по повод денешниот празник Св.Атанасиј, кој се празнува на повеќе места во нашата општина, ги посети сограѓаните од населените места с. Ново Село и с. Волково.
– Во с. Ново Село во просториите на месната заедница секоја година традиционално се служи ручек во знак на одбележување на празникот Св.Атанасиј и населението од овој дел на општината со веселба и македонска традиционална музика ја продолжува традицијата. Ја посетив и црквата Св.Атанасиј во с.Волково каде заедно со нашите сограѓани го честитавме празникот и поразговаравме во насока на тоа дека треба сите заеднички да се трудиме да ја одржима жива традицијата и да ги негуваме традиционалните и семејните вредности, кои се темелот на општеството и на нас Македонците како народ кој живее на територијата на Ѓорче Петров, рече Стојкоски честитајќи го денешниот празник.
– На овие денови можеме да увидиме од колкаво значење е одбележувањето на овие празници и колку нашите сограѓани се полни со елан и позитивна енергија, се со цел достојно да се прослави празникот Св. Атанасиј кој од година во година се помасовно се чествува во нашата општина, порача градоначалникот.
ИЗВОР: skopjeinfo.mk
