Ѓорѓиевски: Инвестиравме 7,2 милиони денари во градинката ,,8 март”

1 min read

Градоначалникот на Општина Кисела Вода, Орце Ѓорѓиевски објави дека инвестирале 7,2 милиони денари во јавната детска градинка „8 март“.

Ѓорѓиевски кажа дека продолжуваат со унапредување на условите за децата од предучилишна возраст со инвестирање во градинките каде најмладите го поминуваат поголемиот дел од секојдневието.

– Со задоволство сакам да истакнам дека во изминатиот период вложивме 7.245.000,00 денари во објектите на ЈДГ ,,8 март”, каде согласно потребите, се интервенираше со повеќе различни градежни зафати. Денес сме во објектот ,,Пеперутка 2” во Драчево, каде се одвиваа голем дел дел од активностите, како на пример промена на електричната инсталација и целосно подобрување на енергетската моќност на објектот. Извршивме и преадаптација на пералната и кујната која сега ја опремуваме и со современа кујнска опрема. Со цел подобрување на енергетска ефикасност, во објектите ,,Расадник” и ,,Пржино” ги заменивме вратите и прозорците, а претходно вакви и слични зафати изведовме и во објектите на другата јавна детска градинка ,,Весели Цветови”, информира Ѓорѓиевски.

ИЗВОР: skopjeinfo.mk

Претходно

Петрушевска: Дијаспората ќе расте затоа што македонскиот граѓани се иселуваат, во овие 6 години не видоа ништо од ветениот живот на СДСМ, дури и претседателот на државата би се иселил

Следно

Инцидент на „Партизански одреди“: Три лица претепале 37-годишна жена

Latest from Blog