Општина Ѓорче Петров ќе додели 300.000 денари солидарна помош за санирање на последиците од земјотресите што ги погодија Република Турција и Сирија.
Оваа одлука беше донесена на денешната вонредна седница на Советот на општина Ѓорче Петров на која единствена точка на дневен ред беше финансиската помош.
– Износ од 300.000 денари ќе биде префрлен од општина Ѓорче Петров како солидарна помош за санирање на последиците од земјотресите што ги погодија Република Турција и Сирија. Средствата ќе се спроведат преку Црвениот крст, односно преку посебен Фонд за солидарност, напиша градоначалникот Александар Стојкоски.
ИЗВОР: skopjeinfo.mk
