Попладнево се оддржа седница на Советот на општина Гази Баба по иницијатива на градоначалникот Бобан Стефковски на која беше донесена Одлука за определување на финансиска помош за настраданото население во Турција и Сирија.
За седницата, градоначалникот Стефковски објави на својата официјална страна на фејсбук на која напиша:
– 500.000 денари финансиска помош за настраданото население од земјотресот во Турција и Сирија. Попладнево се оддржа седница на Советот на општина Гази Баба на која на мој предлог, едногласно Советот донесе Одлука за определување на финансиска помош во висина од 500.000 денари за настраданото население во Турција и Сирија. Ѝ благодарам на претседателката на Советот Дијана Илиевска за итното прифаќање на моето барање и свикување на седницата за краток рок. На почетокот на седницата со едноминутно молчење оддадовме почит на загинатите во земјотресот. Гази Баба ќе продолжи да помага, напиша Стефковски.
ИЗВОР: skopjeinfo.mk
