Предлогот на францускиот претседател Емануел Макрон за реформа на пензискиот систем, кој предвидува зголемување на старосната граница за пензионирање од 62 на 64 години, предизвика повеќенеделни протести низ Франција. Анкетите на јавното мислење покажуваат оти мнозинството граѓани во Франција се против предложената реформа
Горниот дом на францускиот парламент на 11 март го усвои планот за реформа на пензискиот систем, предложен од францускиот претседател Емануел Макрон. Предлогот е усвоен со 195 гласа „за“ и 112 гласа „против“.
Предлогот за реформа на пензискиот систем, кој предвидува зголемување на старосната граница за пензионирање од 62 на 64 години, предизвика повеќенеделни протести низ Франција. Анкетите на јавното мислење покажуваат оти мнозинството граѓани во Франција се против предложената реформа.
По усвојувањето на предлогот во Сенатот, се очекува за него да се изјасни комисија составена од членови на долниот и горниот дом на францускиот парламент, најверојатно во среда, на 15 март.
Доколку комисијата се согласи за текстот, конечното гласање во двата дома најверојатно ќе се одржи во четврток, но исходот од гласањето останува неизвесен во долниот дом, каде на партијата на Макрон ѝ се потребни гласовите на сојузниците за мнозинство.
Доколку Владата процени дека нема да има доволно гласови во Долниот дом, сепак, најверојатно ќе може да го „протурка“ предлогот без собраниско гласање.
Предлогот на францускиот претседател Емануел Макрон за реформа на пензискиот систем предизвика неколкунеделни протести низ Франција, а нови протести се најавени и за следната недела.
Демонстрантите во саботата излегоа на нови протести низ Франција против планираните реформи, но одѕивот беше помал од очекуваното. Најголем одѕив на демонстранти е забележан во вторникот , кога според податоците на француската влада протестирале 1 280 000 луѓе.
Извор: 360stepeni.mk
