Трагите од крв покрај две клупи во селото Дубона кај Младеновац сведочат за синоќешниот масакр во кој беа убиени осум лица, а ранети 13.
Жителите на селото со неверување и солзи во очите го дочекаа утрото, додека истражителите се на терен и земаат траги од местото на несреќата.
Осомничен за масовното убиство е 21-годишниот Урош Б. кој утрово околу 8 часот беше уапсен од српските полицајци во селото Вињиште кај Крагуевац.
Неофицијалните информации говорат дека пукањето започнало по расправија во училиштен двор по која осомничениот заминал дома, ја зел пушката и почнал да пука. Наводно, осомничениот пукал на три локации. На терен беа повеќе од 600 специјалци, а беше ангажирана и хеликоптерската единица на српското МВР.
Нова ТВ објави дека осомничениот при бегството влегол во такси-возило и со закана кон возачот побарал да го однесе во Вињиште каде што неофицијално побарал скривалиште кај роднини. Се скрил, според неофицијални информации, во викендичка на неговата мајка.
Извор: 360stepeni.mk
