(ФОТО) Еден убиен и четворица повредени во напад на цркви во шпанскиот град Алхесирас 

January 26, 2023
1 min read

Напаѓачот е уапсен и се наоѓа во притвор, а шпанските власти, според агенциите, го истражуваат инцидентот како можен терористички акт

Едно лице е убиено, а друго тешко рането кога маж вооружен со мачета вчера нападнал две цркви во шпанскиот град Алхесирас, соопшти министерството за внатрешни работи на земјата.  

Шпанската полиција ги истражува мотивите за нападот/Фото: EPA-EFE/A. Carrasco Ragel

Како што соопштил портпаролот на градската администрација на Алхесирас за Ројтерс, во нападот е убиен Диего Валенсија, црковно лице во  црквата Нуестра Сењора де Ла Палма, додека титуларниот свештеник на парохиската црква Сан Исидро, Антонио Родригез, е меѓу повредените. 

Шпанските судски власти, според Асошиејтед прес (АП), го истражуваат инцидентот како можен терористички акт, а полицијата се обидува да ги утврди мотивите за нападот. 

Според информациите, напаѓачот е уапсен и се наоѓа во притвор во шпанската национална полиција. Од министерството за внатрешни работи на Шпанија не го соопштиле идентитетот на осомничениот.  

Инаку, локалните медиуми јавуваат дека во нападот се повредени уште три лица.  

Осомничениот маж прво влегол во црквата Сан Исидро и со мачета го нападнал свештеникот, кој е тешко повреден и хоспитализиран според локалните медиуми. 

Напаѓачот потоа отишол во црквата во Нуестра Сењора де ла Палма каде со мачетата го убил црковното лице пред верскиот објект. 

Полициски екипи вршат увид на местото на нападот пред црквата Нуестра Сењора де ла Палма/Фото: EPA-EFE/A. Carrasco Ragel

Шпанскиот премиер Педро Санчез на својот твитер-профил изрази сочувство за жртвите од „страшниот напад“ во Алхесирас. 

Генералниот секретар на шпанската бискупска конференција, Франциско Гарсија на Твитер напиша дека „со голема болка ја примил веста за инцидентот во Алхесирас“. 

„Ова се тажни моменти, нас не обединува болката на семејствата на жртвите и на епархијата Кадиз“,  

додаде тој.

Хозе Игнасио Ландалусе, градоначалникот на Алхесирас, за денеска прогласи ден на жалост во градот и митинг пред црквата Нуестра Сенора де Ла Палма напладне. 

Градот Ахгесирас се наоѓа на самиот југ на Шпанија и е едно од најважните пристаништа на таа земја. 
 

ИЗВОР: 360stepeni.mk

Leave a Reply

Your email address will not be published.

VERO JUMBO MACEDONIA

EVN MACEDONIA

MARKETING

Претходно

Oткако ги смени бравите, денеска в.д. директорот на МКЦ забрани снимање во култниот центар за новинарските екипи

Следно

Задолжителен паркинг за велосипеди – Центар одлуката ја донесе уште минатата година

Latest from Blog

Редарите на „Енфилд“ спречија најсрамна сцена: Симеоне тргна во пресметка со навивачите (ВИДЕО)

Сјаен натпревар во рамките на 1. коло од Лигата на шампионите на „Енфилд“ одиграа екипите на Ливерпул и Атлетико Мадрид. Токму кога помисливме дека по петте постигнати голови и драматичната завршница на

Чудото Пафос, голеада во Прага за реми!

Фото: Славија Прага Х Олимпијакос не ја оправда фаворитската улога против дебитантот во Лигата на шампиони, Пафос, откако во Атина одиграа без голови 0-0. Колку беше немоќен грчкиот тим говори и фактот

Пронајдени шест деца заклучени во магацин во Милвоки

Шест деца, меѓу кои и едно двомесечно бебе, беа пронајдени заклучени во магацин во Милвоки, најнаселениот град во американската држава Висконсин. Полицијата реагирала откако добила пријави за деца заклучени во магацин. На

Зеленски: Ракети за западните ПВО системи ќе бидат дел од првата испорака во рамките на механизмот на НАТО за купување оружје од САД

Украинскиот претседател Володимир Зеленски денеска изјави дека ракети за западните системи за воздушна одбрана ќе бидат дел од првичните испораки на американско оружје што ќе го платат земјите од НАТО во рамките
Go toTop