ВАШИНГТОН (АА) – Директорот на американското Федерално истражно биро (ФБИ), Кристофер Реј, истакна дека Кина преку апликацијата ТикТок може да пристапи до податоците и уредите на корисниците, и преку тоа може да изврши операции на големи и сложени збирки на податоци (big data), јавува Анадолу.
Реј се обрати на сесијата во врска со глобалните закани против САД во рамки на Комитетот за разузнавање при американскиот Сенат, заедно со други високи безбедносни претставници во земјата.
Тој нагласи дека Кина, преку апликацијата ТикТок може да ги контролира податоците на милиони корисници, може да ги контролира софтверите кои се инсталирани во уредите, и преку оваа апликација може да влијае врз пристапот на корисниците во врска со некои теми.
Реј истакна дека сѐ уште не е сигурен дали ТикТок се користи за оваа намена.
Според него, за САД важна е разликата меѓу приватна компанија и јавно претпријатие, и додаде дека не постои некоја линија на поделба меѓу приватниот сектор и Комунистичката партија на Кина.
„Доколку ги прашате Американците дали сакаат сите нивни податоци, контролата врз нивниот уред и нивните податоци да и ги дадат на Комунистичката партија на Кина, поголемиот дел од Американците би кажале „Не. Заврши мојата работа со тоа.“ “, додаде тој.
Реј рече дека користејќи супер компјутери и вештачка интелигенција, Кина може да изврши бројни илегални активности, вклучувајќи шпионирање и кражба на ИП адреси.
„Тоа е контролирање на податоците со цел реализирање на било какви операции на големи и сложени збирки на податоци (big data). Тоа е контролирање на софтверите за да пристапи до милиони уреди“, истакна Реј.
Извор: www.aa.com.tr
