Ердоган: „Имаме сопствен природен гас“

April 29, 2023
1 min read

АНКАРА (АА) – Турскиот претседател Реџеп Таип Ердоган изрази надеж дека Туркије во иднина ќе има доволно нафта за да ги задоволи сопствените потреби, јавува Анадолу.

Ердоган вчера, преку видеолинк, се вклучи на свеченото отворање на Мостот на шехидите од 15 јули во турскиот град Адана.

Тој истакна дека деноноќно работат на обезбедувањето помош и поддршка на луѓето во областите погодени од земјотресот на југот на Туркије, вклучително и Адана.

Како што рече, благодарение на 650.000 нови домови што ќе се изградат во рок од една година, градовите во регионот погодени од разорните земјотреси повторно ќе оживеат.

„Нашиот народ добро знае дека нема вложувања и производство без инфраструктура, како и вработувања и секогаш нè поддржува во тоа 21 година“, рече Ердоган.

Тој особено ја нагласи важноста на инвестирањето во областа на енергетиката.

„Имаме сопствен природен гас и се надевам дека во не така далечна иднина ќе ги дочекаме деновите кога ќе имаме доволно нафта за да ги задоволиме нашите потреби“, рече турскиот претседател.

Ердоган минатата недела изјави дека целосниот капацитет на експлоатацијата на црноморскиот гас ќе надомести речиси 30 отсто од вкупните потреби на Туркије.

Говорејќи на церемонијата на пуштање во погон на црноморското наоѓалиште на природен гас, Ердоган рече дека Туркије „прави историски чекор кон енергетска независност.“

Во август 2020 година, 320 милијарди кубни метри природен гас беа откриени во бунарот Туна-1 во гасното поле Сакарија во Црно Море, што претставува најголемо откритие на тој енергент во историјата на Туркије.

Со дополнителни 85 милијарди кубни метри откриени во октомври 2020 година, вкупната количина откриени резерви на гас изнесува 405 милијарди кубни метри.

По откривањето на 135 милијарди кубни метри во бунарот Амасра-1 во јуни 2021 година, резервите на црноморски гас изнесуваат 540 милијарди кубни метри.

Уште 58 милијарди кубни метри гас се пронајдени во декември 2022 година во бунарот Кајкума-1 во југозападниот дел на Црно Море.

Независната процена покажа дека турските резерви на гас во Црното Море ќе достигнат 710 милијарди кубни метри, со пазарна вредност од околу билион долари.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

(ФОТО) Напад на украински дронови предизвика огромен пожар на Крим

Следно

Во Данска повторно осквернати Куранот и турското знаме

Latest from Blog

Фото: Александра Пријовиќ за прв пат во јавноста по породувањето

Ѕвездата на регионалната музичка сцена присуствуваше на свадбата на својот колега, српскиот пејач Урош Живковиќ, во Белград, каде што блесна во елегантен фустан и привлече големо внимание од присутните. За оваа свечена

Нерешеното станбено прашање на Европа

Секој Европеец што во последниве години морал да се пресели веројатно се нашол сред истиов кошмар: Куќите и кириите се сè поскапи, сметките за комуналии се сè повисоки, а пазарната понуда на

Супермаркетите во Грција ги симнуваат цените на 2.180 производи по интервенција на Владата

Ова го објави генералниот директор на Сојузот на супермаркетите во Грција, Апостолос Петалас, по состанокот со министерот за развој, Такис Теодорикакис, јави агенцијата АНА-МПА. Иницијативата потекнува од Министерството за развој, а нејзината

Николоски: По локалните избори нема предвремени парламентарни, ќе има одговорност за злоупотребите

Вицепремиерот и министер за транспорт и врски, Александар Николоски, изјави дека по локалните избори нема да се одржат предвремени парламентарни избори, истакнувајќи дека Владата е стабилна и ќе го реализира целиот мандат
Go toTop