Две лица загинаа во сообраќајна несреќа во Националниот парк Галичица, кога возилото со кое патувале излетало од регионалниот пат Трпејца – Преспа и паднало во амбис. Загинатите биле од Ресен на 60 годишна возраст.
На местото на настанот се екипи на планинарската служба од Охрид и полицијата.Неофицијално незгодата се случила на дел од патот кој не е обезбеден со ограда.
Овој патен правец во зимските месеци од безбедносни причини се затвора, а во летниот период се наплаќа влез. На некои делови патот е оштетен и небезбеден за возење..
Извор: 24vesti.mk
