Времената мерка на Уставен за балансерот со денови ја бранува јавноста. Министерот за јавна администрација Горан Минчев вели балансерот со години се злоупотребувал. Првиот административец додава дека ќе ја почекаат конечната одлука на судот и ќе ја почитуваат.
Премиерот Мицкоски вели компетентноста треба да биде главен критериум за вработување во македонските институции
Коалициониот партнер во власта, Министерот за здравство Арбен Таравари вели дека одлуката на Уставниот суд за „балансерот“ е избрзана.Според него владината коалиција имала договор прво да се донесе Законот за правична застапеност на сите заедници, меѓутоа не само етничка припадност, туку и за други категории.
Опозициската ДУИ реагира дека власта спроведува деалбанизација на државата.
Јавните предупредувања за деалбанизација на државата, сега во пракса ги реализира оваа моноетничка власт во која се и губитниците на изборите или нарушувачите на албанскиот легитимитет. ВРЕДИ ги затвора очите и дозволува уништување на најважните достигнувања на Албанците последните две децении по ред, од војната во 2001 година.
Зијадин Села од Алијанса за Албанците претходно побара Уставниот суд да одлучува по бадентеров принцип.
Извор: 24vesti.mk
