Денеска во средното училиште на Град Скопје ,,Кочо Рацин” учениците и наставниот кадар со екипите на Град Скопје и ЈП Комунална хигиена, беа дел од еко-едукација за подигнување на свеста кај младите за правилно постапување со комуналниот отпад и акција за чистење и собирање отпад.
На настанот присуствуваше и градоначалничката на Град Скопје Данела Арсовска.
-Учениците имаа можност да учествуваат во селектирање на собраниот отпад од просториите и околината на училиштето, односно кабаст и електронски отпад, хартија, пластика и стакло, со цел развивање на свеста на младите и нивното вклучување во активностите за зачувување на животната средина. Младите се нашата иднина и тие треба да бидат предводници на промените и вклучени во реализација на проектите за почиста и здрава животна средина, порачаа денеска од Град Скопје.
ИЗВОР: skopjeinfo.mk
