Д-р Пановски: Пациентите чии права се нарушени може да се обратат до Комисијата на Град Скопје за унапредување на правата на пациентите

February 17, 2023
1 min read

По двегодинишен прекин на работата поради корона кризата, од септември минатата година повторно почна со работата Комисијата за унапредување на правата на пациентите формирана од Град Скопје. Секој пациент кој смета дека му е прекршено одредено право, може да се обрати кај Комисијата, рече на денешната прес-конференција претседателот на Комисијата, д-р Никола Пановски.

Секој граѓанин може да ја исконтактира Комисијата преку веб страницата на Град Скопје, каде има поставено линк со логото на Комисијата и на линкот има меил, формулар и телефонски број. 

Инаку, оваа Комисија е формирана во 2011 година и беше составена од девет члена. Надлежности на оваа Комисија, како што посочи д-р Пановски, се во делот на унапредување на правата на пациентите и нивна заштита, разгледување на поплаки, предлагање мерки за подобрување на заштита на правата на пациентите од надлежните органи, подготвување и издавање извештај за заштита на правата на пациентите што ќе биде на дневен ред на 23 февруари, но и издавање информации. Во моментов, Комисијата е составена од 11 члена.

Пановски напомена дека ќе имаат соработка со комисиите од општините, но како што потенцираше, половина од општините во државата уште немаат комисии. Тој додаде дека имаат амбициозна програма, а во блиска иднина планираат средба во Министерството за здравство.

Тој рече дека секој граѓанин може да се обрати до Комисијата, а разговараат и со здруженијата на пациентите за тие да им укажат на пациентите да се обратат и да поднесат претставки доколку им се нарушени правата.

– Незгодно е да ја одбиете поплаката на жител кој не е од Скопје, тука постои таа дилема, најверојатно би го упатиле до соодветната општина, но доколку на пример станува збор за студент од друга општина кој живее во Скопје, би го разгледале неговото барање. Што се однесува до претставки, те што ги имавме ги одговоривме, не беа директно, беа повеќе совети или прашања од пациентите каде да се обратат, рече д-р Пановски.

Претседателот на Здружението на бубрежно болни граѓани „Нефрон“, Душко Ѓорѓиев кој беше претседател на Комисијата од 2019 година, рече дека од самото формирање на Комисијата сите претставки биле разгледани и биле решени. Како што рече, ниту еден пациент не излегол незадоволен.

– Од самото формирање на Комисијата направивме промоција за да се доближиме до пациентите и да им се укаже на можноста на кој начин да се обратат. Се обративме до здруженијата да ги сублимираат своите проблеми, и решавајќи проблем кој ја тишти одредена целна група, практично решаваме проблеми на самите пациенти. Имавме доволно претставки во моите два мандати. Сите беа разгледани, се разговараше таму каде Комисија беше во дилема дали крешењето на право се однесува на одредена специјалност . Но, секаде каде ќе видиме дека има кршење на правото на пациентите ние ќе реагираме, додаде Ѓорѓиев.  

ИЗВОР: skopjeinfo.mk

MARKETING

MARKETING

Претходно

Чувар вработен во британска амбасада шпионирал за Русија – доби 13 години затвор

Следно

Нов кружен тек во Ѓорче Петров 17.2.2023

Latest from Blog

Обвинение за судија од Кавадарци – го упатил осуденикот во погрешен затвор

Основното јавно обвинителство Велес поднесе Обвинителен предлог против едно лице за кривично дело – Несовесно работење во службата од член 353-в став 4 од Кривичниот законик. Обвинетиот, во текот на 2024 година,

ЕУ ги осуди омразата и насилството во Србија и повика на избегнување ескалација

Делегацијата на Европската унија во Србија ги осуди „актите на омраза и насилство“ во Србија и повика на избегнување ескалација на тензиите. „Внимателно ја следиме ситуацијата и повикуваме на избегнување на каква

Врховниот суд и Судскиот совет очекуваат кредибилен процес во Скопје за кочанската трагедија

Новиот претседател на Врховен суд Африм Фидани очекува во Кривичниот суд во Скопје да се спроведе целисходна постапка за случајот Кочани. Судот каде што ќе се води постапката ги исполнува условите, за

Ѓоковиќ убедлив против Британецот Еванс

Седумкратниот шампион на Вимблдон, Новак Ѓоковиќ на убедлив начин стигна до победа во мечот од второто коло на Вимблдон против Британецот Даниел Еванс. Српскиот тенисер со 3:0 во сетови (6:3; 6:2; 6:0)

Предлогот за 60-дневен прекин на огнот во Газа предвидува ослободување на 10 израелски заложници и гаранции од САД

ЕРУСАЛИМ/АНКАРА (АА) – Предлогот за 60-дневен прекин на огнот во Газа предвидува ослободување на 10 израелски заложници и предавање на посмртните останки на уште 18, соопштија израелските медиуми денес, пренесува Анадолу. „Ослободувањата
Go toTop