Чулев: МВР со тендерот на Спасовски кој го добива нему блиска фирма тендерира една третина поскапа храна од лани, а на полицајците им се сервирааат сува храна и конзерви

January 23, 2023
2 mins read

Денес продолжуваме со објавување на детали за двата договори од речиси 13 милиони евра, кои компанијата Индустри сервис ги потпишала со МВР на Спасовски. Договори преку кои од буџетот на Министерството за внатрешни работи се одлеваат милионски суми на евра, а полициски службеници и вработените во МВР ќе добиваат храна која е далеку од стандардите и нивните потреби, истакна Наќе Чулев од ВМРО-ДПМНЕ.

-Во период кога се кратат дневниците и прекувремените работни часови на полицајците и МВР штеди буквално на се, Оливер Спасовски распишува два тендери за достава на храна, за два различни објекти на МВР. И двата ги добива Индустри сервис која е отворена за да приготвува оброци, а полицајците во голем дел ќе добиваат конзерви и сува храна, наместо подобра услуга.

Со двата тендери од речиси 13 милиони евра, кои се за период од 36 месеци, годишно Индустри сервис во просек може да наплати по речиси 4.5 милиони евра. Тоа е за речиси една третина повеќе од колку што се трошело до сега. Имено лани за цела година, МВР за набавки на храна потрошила само 3.3 милиони евра.

Дополнително на Индустри сервис според договорот и се признаваат транспортни трошоци, кои се 15% од литар гориво за секој изминат километар, меѓутоа тука не запираат нелогичностите. Имено, кога ќе се погледне спецификацијата, се воочува дека и двата договори на МВР на Спасовски со Индустри сервис сопственост на Драган Смилковски, близок пријател на Спасовски се полни со конзерви и сува храна. Дури и гулашот и гравот во спецификацијата доставена до МВР од страна на фирмата Индустри сервис се во конзерви.

Најголемиот дел од храната е сува, и истата ја произведуваат други производители, и не е готвена храна која би ја приготвила Индустри сервис.

Воопштено сето ова значи дека Индустри сервис, само ставиле своја маржа на конзервите и сувата храна, а МВР добива поскапа храна, отколку кога сами би набавувале во одвоени постапки тие конзерви и сува храна, вели Чулев и додава:

„Се поставува прашањето, зошто е распишан оглас за достава на храна, а не поединечни огласи? Ако Индустри сервис имал сметка да купува и препродаде храна која друг ја произвел, тогаш зошто МВР не го сторило тоа?

Второ прашање е зошто МВР не ги стави во функција кујните во Центарот за обука во Идризово и Полицискиот центар во Ѓорче Петров, кои имаат најмодерни апарати и се по ХАСАП стандард, туку влегува во милионски договори со фирма блиска до СДС?

Која е потребата да се трошат милиони евра за ангажирање на компанија за достава на храна кога полициските службеници и понатаму ќе добиваат во голем дел само замрзната храна и храна во конзерви?

Двата тендери кои ги добила Индустри сервис од МВР во вредност од фантастични 13 милиони евра се повредни од фабриката која истите ја имаат. Бонбона бизнис спакуван под параванот на „поквалитетна храна“ која полицајците за жал нема да добијат.

Спасовски неопходно е да даде одговор зошто се одлучил на два огромни тендери, кои ги добива фирма на чие отворање самиот бил, а која добива финансиски грант од Владата во износ од 1,6 милиони евра? Еве и доказ дека Оливер Спасовски бил на отворање на фабриката во Гази Баба заедно со целокупното раководство на тогашната влада и СДС.

Дали маржата при препродажба морала да заврши кај Индустри сервис?

Спасовски и СДС да не бегаат одговори и да дадат јасни образложенија на наводите изнесени од наша страна“.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Моравјецки: Полска ќе поднесе барање за одобрение за испорака на тенкови Леопард во Украина

Следно

Институт Батут: Се шири епидемијата на мали сипаници во Смедерево

Latest from Blog

Зошто Мараја Кери и по 20 години тврди дека не ја познава Џенифер Лопез ? (ВИДЕО)

Тој момент наскоро влезе во историјата на поп-културата, а повеќе од две децении подоцна, пејачката повторно проговори за позадината на нејзината позната изјава. „Работата е во тоа што бев искрена кога го

Анхоч го стартува „GG October“ – месецот на гејминг и технологија за сите љубители на добар сетап.

Октомври во Анхоч носи ново, возбудливо поглавје! Со кампањата GG October, Анхоч го отвора месецот на врвна технологија и инспирација за сите љубители на моќен и совршен дигитален сетап. Ова не е

Димитриевски го повика Филипче на ТВ дуел: Да ги соочиме аргументите за сите прашања јавно

Лидерот на Движењето ЗНАМ – за наша Македонија, Максим Димитриевски го повика претседателот на СДСМ Венко Филипче на дуел, каде ќе ги соочат аргументите за сите прашања јавно, наместо да се занимаваат

Српски историчар до Путин: Што мислите за обидот за ШАРЕНА РЕВОЛУЦИЈА ВО СРБИЈА?

Рускиот претседател Владимир Путин одржа говор во Сочи на 22-от годишен форум на Меѓународниот дебатен клуб Валдај. По говорот, тој одговори на прашања од новинарите. Српскиот историчар Александар Раковиќ го праша Путин
Go toTop