Министерката за енергетика, рударство и минерални суровини Сања Божиновска порача дека одлуките во енергетскиот сектор мора да се носат врз основа на факти, темелни анализи и стручно знаење.
„Во енергетиката, секоја одлука мора да се темели на факти, анализи и стручно знаење“, истакна Божиновска.
Според неа, приоритетите во енергетиката треба да бидат насочени кон обезбедување сигурно снабдување со енергија, создавање услови за поконкурентна економија и подобрување на животната средина.
„Целта е сигурно снабдување, конкурентна економија и почиста животна средина. Вистинското лидерство не нуди лесни ветувања, туку создава решенија што ќе траат со децении“, порача министерката.
Таа додава дека енергетските политики треба да имаат долгорочна визија и да обезбедат стабилна основа за економскиот развој и енергетската сигурност на земјата.
