Ученик од трето одделение со насилно поведение е причината поради која денеска родителите и учениците на училиштата „11 октомври“ и во „Лазо Ангеловски“ ја бојкотираат наставата. Советот на родители донесе одлука учениците да останат дома, барајќи решавање на проблемот. Ситуацијата се влошила по одбивањето на училиштето „11 октомври“ да го прими малолетникот.
Од Министерството за образование велат дека секое дете има право на образование и ако стручните лица препорачаат промена на средината, тоа треба да се реализира. За проблемот се очекува да се изнајде решение на состанок во Министерството за образование кој неофицијално е закажан за денеска.
Извор: 24vesti.mk
