И годинава во срцето на Њујорк блесна огромната елка пред Рокфелер центарот – традиција која трае повеќе од 90 години. Илјадници њујорчани, но и туристи, присуствуваа на традиционалното вклучување на светилките, а целиот настан беше придружен и со музички перформанс, каде свој настап имаа и Backstreet boys.
Инаку, годинешната елка, која беше исечена на 7-ми ноември, е дрво старо околу 70 години.
И оваа година е украсена со 3 милиони кристали, како и Swarovski ѕвезда на врвот која тежи 400 килограми. Сијаличките на елката ќе светат до средината на јануари, од пет наутро до полноќ, додека за католичкиот Божиќ на 25 декември ќе светат 24 часа.
Извор: 24vesti.mk
