Белград и Нови Сад: Дел од опозициски инструираните студенти ги блокираа Ректоратот и факултетите

December 2, 2024
1 min read

Дел од опозициски инструираните студенти во Белград и Нови Сад денес блокираа неколку факултети и Ректоратот, барајќи објавување на документација за реконструкција на железничката станица во Нови Сад и откривање на одговорните за нападот врз студентите, јави дописникот на МИА од Белград.

Блокадите на Ректоратот на Белградскиот универзитет, Филолошкиот, Филозофскиот, Природно-математичкиот факултет (ПМФ) и Архитектонскиот факултет симболично почнаа во 11.52 часот кога и се случи несреќата на Железничката станица.

Во Нови Сад наместо Ректоратот, студентите ја блокираа зградата на Филозофскиот факултет.

На денешната блокада се приклучија и студентите на Факултетот за драмски уметности (ФДУ) од Белград кои повторија дека ги имаат истите барања како и студентите кои ги блокираа зградите.

Тие бараат објавување на комплетната документација за реконструкцијата на железничката станица во Нови Сад, како и откривање на одговорните за нападот врз студентите на Факултетот за драмски уметности, како и зголемување на средствата за државните факултети за 20 проценти.

Меѓу барањата е и зголемување на процентот на финансирање од буџетот за образование, бидејќи тој не е променет од 2019 година.

Студентите бараат итно ослободување на сите граѓани кои беа приведени за време на ненасилните протести, како и повлекување на неоснованите пријави.

-Во борбата за исполнување на овие барања, денеска го блокираме Ректоратот, како и Филолошкиот, Филозофскиот и Природно-математичкиот факултет. Блокадите немаат намера никого да загрозат, ниту да предизвикаат материјална штета на објектите, се наведува во соопштението на организаторите на блокадите во Белград кои рекоа дека нема да даваат изјави за медиумите.

Најавија дека во секоја од блокираните згради ќе се одржи пленум на кој ќе присуствуваат студентите на тие факултети за да договорат за понатамошните планови, додека студентите од другите факултети ќе се состанат во Ректоратот.

Извор: kurir.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Универзитетот во Анкара му додели почесен докторат на црногорскиот претседател Милатовиќ

Следно

Оставката на Дамева е единствената исправна одлука, велат од Владата

Latest from Blog

Фото: Убава актерка во секси бикини

Сидни Свини сè уште се чини дека е во центар на  вниманието на светската јавност, а странските медиумски фотографи го следат секој нејзин потег. Сега жешките фотографии на актерката се појавија на

Статуа стара 1.800 години откриена во Турција

Ископувањето е спроведено на стадион стар 2.000 години, за кој се верува дека го изградиле македонски војници кои се населиле во областа за време на анадолската кампања на Александар Македонски. Според археолозите,

Серија предомислувања во СДСМ: Спасовски пишман-координатор, Филипче пишман-црвенолинијаш

Оливер Спасовски останува координатор на пратеничката група на СДСМ во Собранието, рече денеска на прес-конференција претседателот на партијата Венко Филипче. Тој одговори на новинарско прашање во врска со неодамнешната изјава на Спасовски
Go toTop