Американскиот претседател Џо Бајден потпиша решение со кое го спасува неговиот син Хантер од казна во случаите за нелегално купување и поседување на огнено оружје и за затајување на данок
Образложувајќи ја својата одлука, претседателот на САД рече дека преку обидот да го скршат Хантер, се обиделе да го скршат него што било доволна причина за Бајден дека политичките непријатрели нема да запрат на тоа.
„Повеќе мои политички опоненти во Конгресот притискаа за овие случаи само поради мене. Секој здраворазумен човек гледа дека овие кривични прогони беа мотивирани чисто од политички причини“, Џозеф Бајден претседател на САД.
Постапката на Бајден остро ја критуикуваа републиканците. Новозибраниот претседател Трамп изјави дека „помилувањето треба да ги вклучи и „заложниците од 6 јануари кои се во затвор со години“. Демократски првенци од Конгресот реагираат воздржано или се дистанцираат од одлуката на Бајден, која се очекува да донесе значајна политичка штета во нивните редови посебно по доаѓањето на Трамп во Белата куќа на 20 јануари.
Бајден во јуни во две интервјуа потврди дека ќе прифати секаква одлука на поротата од судењата против неговиот син и дека нема да го помилува. Минатиот месец тоа го потврдија и во Белата куќа.
Извор: 24vesti.mk
