Бајден од Варшава: САД не се обидуваат да ја контролираат или уништат Русија

February 21, 2023
2 mins read

Во обраќањето од Кралскиот замок во Варшава по повод овонеделната годишнина од руската инвазија на Украина, американскиот претседател порача дека САД и европските држави не се обидуваат да ја контролираат или уништат Русија – нешто што претходно денеска го изјави рускиот претседател во своето обраќање до нацијата

Бајден порача и дека Украина никогаш нема да биде победена од Русија и никогаш нема да ја загуби поддршката од НАТО

Само неколку часа по говорот на рускиот претседател Владимир Путин во кој тој го обвини Западот за почетокот на конфликтот во Украина, американскиот претседател Џо Бајден во својот говор од Полска, пак, ги отфрли ваквите тврдења велејќи оти Путин ја започнал оваа војна.

Во обраќањето од Кралскиот замок во Варшава по повод овонеделната годишнина од руската инвазија на Украина, американскиот претседател порача дека САД и европските држави не се обидуваат да ја контролираат или уништат Русија – нешто што претходно денеска го изјави рускиот претседател во своето обраќање до нацијата.

„Оваа војна не е неопходност туку трагедија. Претседателот Путин ја избра оваа војна. Украина мора да се брани додека Путин избира да ја продолжи војната“,

рече Бајден во своето обраќање од Полска, додавајќи дека рускиот претседател има избор да ја заврши војната кога и да одлучи.

Осврнувајќи се на почетокот на војната во Украина пред безмалку една година, американскиот претседател рече дека Путин мислел оти НАТО ќе се распадне и подели. Наместо тоа, рече Бајден, НАТО е пообединет од кога било.

„Путин мислеше дека ќе се предадеме, но погреши. Мислеше дека НАТО ќе се претвори во Финска, а наместо тоа се случи НАТОизацијата на Финска и Шведска. Путин повеќе не се сомнева во нашето единство, но се сомнева во нашата истрајност. Но, нема сомнеж. Нашата поддршка за Украина нема да попушти и нема да се замориме поддржувајќи ја“,

нагласи Бајден.

Американскиот претседател порача дека Украина никогаш нема да биде победена од Русија.

Не само што по една година од војанта Украина не е поразена туку, како што вели Бајден, таа е сè уште независна и слободна – од Херсон па сè до Киев.

„Пред една година, светот се подготвуваше за падот на Киев. Од посетата на Киев и можам да кажам дека Киев стои силен и што е најважно, стои слободно“,

рече американскиот претседател.

Не само Украина, туку сите демократски земји беа на ставени на тест откако рускиот претседател Владимир Путин ја започна војната, кажа Бајден и нагласи дека сојузниците стојат цврсто против руската агресија.

Завршувајќи го својот говор во Варшава, Бајден изрази благодарност до Полска, украинските војници и до сите оние кои ја бранат слободата.

„Да одиме напред со вера и убедување и со постојана посветеност да бидеме сојузници, не на темнината туку на светлината“,

рече претседателот на Соединетите Американски Држави.

На крајот од својот говор, Бајден на сцената беше пречекан од деца кои вееја украински, полски и американски знамиња.

Обраќањето на Бајден доаѓа откако Путин во својот денешен говор пред нацијата, меѓу другото, рече дека Русија го суспендира учеството во Договорот за намалување на стратегиското оружје (СТАРТ) со Соединетите Држави со кој се ограничува стратешкиот нуклеарен арсенал на двете страни, но се закани дека ќе изврши нови нуклеарни тестови доколку САД го сторат тоа прво.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Агентот на Влаховиќ го блокираше трансферот на фудбалер во Манчестер јунајтед

Следно

Данска и Шведска се согласни дека Северен тек е намерно кренат во воздух

Latest from Blog

Папата Лав Четиринаесетти наполни 70 години

Официјална свеченост по повод роденденот на папата не е предвидена во Ватикан. Во својата традиционална неделна молитва Лав Четиринаесетти денеска му се заблагодари на Бог, на своите роднини и на сите кои

Андрулакис: Победа на ПАСОК и пораз на Нова демократија значи промена за Грција

Политичката промена за Грција поминува преку пораз на денешната Влада, преку пораз на Нова демократија. Победа на ПАСОК и пораз на Нова демократија значи промена за земјата, нагласи лидерот на грчката опозициска

Селта се спаси од пораз на домашен терен

Со гол постигнат во втората минута од судиското продолжение, тимот на Селта предмалку се спаси од пораз на свој терен во дуелот против Џирона, кој што заврши со конечен резултат од 1:1.

На 46-години почина легендарниот боксер Рики Хатон

Трагична вест пристигнува од Манчестер, каде утрово е пронајден мртов Рики Хатон, една од најголемите британски боксерски легенди. Безживотното тело на 46-годишниот Хатон било пронајдено во неговиот дом во Хајд, во реонот

Мицкоски ја посети „Дрисла“: Ситуацијата е стабилна

Премиерот Христијан Мицкоски денеска ја посети депонијата „Дрисла“. – Денеска ја посетив Дрисла, каде што се уверив дека пожарот е целосно локализиран и ставен под контрола. Благодарение на навремената интервенција на службите,
Go toTop