ВАШИНГТОН (АА) – Американската аеровселенска компанија „Релативити Спејс“ (Relativity Space) доцна синоќа направи трет обид за лансирање во вселената на првата 3Д-печатена ракета во светот, јавува Анадолу.
Ракетата „Теран 1“, која беше лансирана од Кејп Канаверал, Флорида, доживеа неуспех веднаш по полетувањето.
Ракетата се искачи движена од вертикален проток на светлина од бел оган што се претвори во син додека се движеше кон небото.
„Денешното лансирање покажа дека ракетната технологија со 3Д-печатење на ‘Релативити’ ќе овозможи креирање на нашето следно возило, ‘Теран Р’“, објави компанијата на Твитер.
„Успешно го поминавме Max-Q, највисоката состојба на стрес на нашите печатени зданија. Ова е најголем доказ за нашиот нов пристап на производство“, се додава.
Последното лансирање, наречено „Со среќа, забавувај се“, беше трет обид за лансирање на компанијата во изминативе две недели.
Извор: www.aa.com.tr
