Вчера општина Аеродром го објави јавниот повик за основање иницијативен одбор, што претставува почеток на иницијативата за основање Локален младински совет во Општина Аеродром.
– Ова претставува првиот чекор од процесот на имплементација на Законот за младинско учество и младински политики, по што ќе се пристапи кон формирање Собрание на млади. Ги повикуваме сите организации, но и заинтересирани млади луѓе кои сметаат дека можат да направат промена во својата околина, да се пријават и да учествуваат во работата на младинските органи, велат од локалната самоуправа на Аеродром.
Иницијативниот одбор треба да сочинува 9 члена кои се на возраст од 15 до 29 години, а ќе бидат номинирани од младински организации, неформални здруженија на млади или друг тип младински структури што делуваат на територија на општината. Иницијативниот одбор ќе го води основањето на Локалниот младински совет, ќе работи на креирање на структурата на телата и промоција на потребата од младинско организирање и младинско учество на локално ниво.
Повикот ќе трае во наредните 14 дена, а критериумите, како и задолжителните документи што се потребни за аплицирање може да се најдат на следниов линк .
ИЗВОР: skopjeinfo.mk
