Мицкоски- Кошта: Претставени позициите на Македонија во однос на европските интеграции

December 3, 2024
1 min read

Премиерот Христијан Мицкоски доцна попладнево во Брисел имаше средба со новиот претседател на Европскиот совет, Антонио Кошта на која е разговарано за процесот на пристапување на земјава кон ЕУ.

– Пријателската средба ја искористив за лобирање и претставување на позициите на Македонија во однос на европските интеграции и можноста за нивното забрзување, објави Мицкоски на неговиот профил на Фејсбук.

Средбата се одржа пред неформалната работна вечера што Кошта ја организираше за лидерите од земјите од регионот на Западен Балкан.

Покрај Мицкоски, на вечерата беа поканети и косовската претседателка Вјоса Османи, претседателите на Србија и на Црна Гора, Александар Вучиќ и Јаков Милатовиќ, претседавачката на Претседателството на Босна и Херцеговина, Жељка Цијановиќ и премиерите на Албанија и на Косово, Еди Рама и Албин Курти.

Претходно во Брисел, Мицкоски се сретна и со новата еврокомесарка за проширување Марта Кос со која разговарал за „стратешките интереси на Македонија во однос на проширувањето на ЕУ и подготвеноста на државата да успее на патот кон Европската Унија“.

Во видео обраќање од Брисел, Мицкоски изјави дека на двете средби порачал оти Владата останува фокусирана на реформите и дека е подготвена да разговара за се што е принципиелно за државата и граѓаните, но дека ултиматуми не прифаќа.

– И на двете средби во исклучително пријателска, и би рекол срдечна и конструктивна атмосфера, разговараме за сето она што ние досега го имаме поминато како предизвик во минатото, за сето она кое што ние требаше, а се откажавме во името на европските вредности, но истовремено ги реафирмиравме нашите ставови дека ултиматуми не прифаќаме, дека сме подготвени да разговараме и подготвени сме да разговараме онолку колку што е потребно за да најдеме начин како да го отвориме првиот кластер, брзо да го поминеме тој процес на преговори и да станеме земја членка во Европската Унија, изјави Мицкоски.

Тој додаде и дека Владата останува посветена на обезбедување подобар живот за граѓаните и дека како дел од таа агенда е и инспирацијата државата да биде дел од европското семејство.

ИЗВОР: kurir.mk

MARKETING

MARKETING

Претходно

Учество на Муцунски на редовниот состанок на министрите за надворешни работи на земјите-членки на НАТО

Следно

Каранфилова-Пановска: Тенденции за воведување на нов режим во Македонија

Latest from Blog

Градоначалникот на Дојран, Ангов: Будно ја следиме состојбата со пожарите на терен

Градоначалникот на Дојран, Анго Ангов, вечерва преку својот фб профил им се заблагодари на сите учесници кои учествуваа во гаснењето на пожарот крај Дојранското Езеро. Фб, статусот ви го пренесуваме во целост:

Министерство за здравство: Се следи состојбата со пожарите на терен и се постапува согласно развојот на настаните

Министерството за здравство информира дека во контекст на актуелните пожари, здравствениот систем „е целосно мобилизиран и подготвен за навремен и соодветен одговор на евентуалните последици“… Формирани се дополнителни медицински тимови, обезбедени се

Челникот на Анадолу на изложбата на İstanbul Photo Awards: Секоја фотографија ја пренесува состојбата на светот

ИСТАНБУЛ (АА) – „İstanbul Photo Awards“ уште еднаш покажува дека секоја фотографија со документарна вредност не е само слика туку јазик за разбирање и пренесување на состојбата на светот и суштината на
Go toTop