Во време на континуирани пожари на различни локации низ државата, до Левица – зелен сектор постојано пристигнувале нови пријави за запалени депонии ширум државата.
Ваквите пријави најчесто доаѓаат после соодветни пријави до надлежните органи, за кои државните институции не презеле никаква реакција. И покрај еколошката катастрофа која ја зафати Македонија ова лето, властите никако да ја научат лекцијата, реагираат од Левица.
Проблемот со депониите не е нов! Ова е проблем низ целата земја, што произлегува од недостигот на соодветен надзор и неефикасно управување со отпадот. Во услови на отсуство на ригорозни мерки и на контрола, депониите претставуваат постојан извор на загадување и потенцијална опасност од пожари, велат од Левица.
Извор: 24vesti.mk
