Вицепремиерот за економски прашања Фатмир Битиќи, најави дека доколку СДСМ и коалицијата останат на власт по парламентарните избори, во некои сектори работната недела ќе се скрати на 35 работни часови. Битиќи рече дека овие работни часови првично ќе важат за три сектори, но не кажа на кого мисли. Сепак, напомена дека во некои земји на ЕУ се воведени пет помалку работни часови неделно во тие сектори.
Најави дека од 1 јануари 2025 година ова барање може да се примени за зголемување на продуктивноста на работното место во интерес на работодавачот, но и за работниците да имаат повеќе време за да се посветат на семејството. Тој тврди дека во секторите во кои ќе се воведе скратено работно време нема да има намалување на платите. Во однос на овој дел Битиќи вети дека минималната плата ќе порасне до 600 евра, а просечната 1.100 евра.
Зборувајќи за изборната програма на СДСМ, нејзиниот потпретседател Битиќи посочи дека програмата предвидува во 2028 година просечната плата да изнесува 1.100 евра, но оти уште во првата година по влезот на земјата во ЕУ, ќе се зголеми за дополнителни 200 евра, односно ќе изнесува 1.300 евра. Ова се истите анализи кои се предвидени во 2020 година просечната плата во 2024 година да изнесува 34.000 денари. Денес изнесува 40.000 денари, но не се пресметани трошоците за потрошувачката кошничка, кои во моментов изнесуваат 1.210 евра за четиричлено семејство со вклучена кирија.
Аднан Ќаили
Извор: alsat.mk
