Туркије го осуди нелегалниот влез на израелскиот министер Бен Гвир во Ал Акса

АНКАРА (АА) – Власта на Република Туркије силно го осуди денешниот нелегален влез на израелскиот министер за национална безбедност, Итамар Бен Гвир, во придружба на израелските безбедносни сили во комплексот Ал Акса и порача дека тој потег недвојбено го крши меѓународното право, известува Анадолу.

„На кој било начин не е прифатливо член на израелската Влада на ваков начин да го оспорува историскиот статус на Ал Акса и да се впушта во провокативни и фашистички акции“, се наведува во соопштението на турското МНР.

Анкара во оваа прилика, врз основа на меѓународното право, ја повика Владата на Израел веднаш да ја прекине секоја провокативна акција која го нарушува историскиот статус на Харам-и-Шариф и од неа побара да се однесува одговорно.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).