Вучиќ со молба до Србите да го зачуваат мирот во пресрет на положувањето заклетва на градоначалниците на северот на Косово   

May 18, 2023
2 mins read

Новоизбраните градоначалници во општините на северот на Косово, кои доаѓаат од редовите на албанската заедница, треба да положат заклетва и да влезат во своите нови канцеларии, кои најчесто се наоѓаат во зградите на привремените општински власти кои работат во рамките на српскиот систем

Локалните избори во четири општини на северот на Косово – Северна Митровица, Лепосавиќ, Зубин Поток и Звечан, се одржаа на 23 април. Србите, кои се мнозинство, ги бојкотираа, па од над 45 000 граѓани со право на глас, излегоа само 1 567 гласачи или 3,47 отсто. Официјален Белград не ги признава резултатите од одржаните избори, за кои вели дека се „антидемократски и нелегитимни“

Српскиот претседател Александар Вучиќ денеска изјави дека ги моли Србите на Косово да го зачуваат мирот. Изјавата на Вучиќ доаѓа пред полагањето заклетва на градоначалниците во четири општини на северот на Косово кои беа избрани на локалните избори што се одржаа минатиот месец.

Претседателот на Србија, Александар Вучиќ/Фото: EPA-EFE/NEMANJA JOVANOVIC

„Ги молам Србите да го зачуваат мирот, а овие (градоначалници) никогаш нема да бидат прифатени за градоначалници. Ова е изживување и обид да се изврши притисок врз Србите да го напуштат своето огниште“,

рече Вучиќ.

Избраните градоначалници се очекува утре да ги положат заклетвите, рече српскиот претседател.

„Се очекува утре. Ќе се обидат да одржат конститутивни седници во зграда во (северна) Митровица и да изберат лажни градоначалници, со поддршка на Квинта (петорката земји: САД, Италија, Германија, Обединетото Кралство и Франција), избрани на лажни избори“,

изјави Вучиќ за новинарите во Нови Сад, пренесува регионалниот сервис на Радио Слободна Европа.

Новоизбраните градоначалници во општините на северот на Косово, кои доаѓаат од редовите на албанската заедница, треба да положат заклетва и да влезат во своите нови канцеларии, кои најчесто се наоѓаат во зградите на привремените општински власти кои работат во рамките на српскиот систем.

Српскиот претседател денеска, исто така, изјави дека ден претходно имал конференциска врска со високиот советник на Стејт департментот на САД, Дерек Шоле, со американскиот претставник за Западен Балкан, Габриел Ескобар, и со американскиот амбасадор во Србија, Кристофер Хил, на кој била констатирана, како што изјави Вучиќ, тешката и тензична состојба на северот на Косово.

Локалните избори во четири општини на северот на Косово – Северна Митровица, Лепосавиќ, Зубин Поток и Звечан, се одржаа на 23 април. Србите, кои се мнозинство, ги бојкотираа, па од над 45 000 граѓани со право на глас излегоа само 1 567 гласачи или 3,47 отсто.

Официјален Белград не ги признава резултатите од одржаните избори, за кои вели дека се „антидемократски и нелегитимни“. На бојкот повика најголемата партија на Србите на Косово – Срспка листа, а бојкотот беше поддржан и од официјален Белград.

Изборите следуваа откако овие општини останаа без градоначалници од ноември минатата година, кога српските претставници поднесоа оставки од своите функции поради несогласување со одлуката на владата во Приштина да ги пререгистрира автомобилите со српски таблички.

Ден по изборите Европската Унија оцени дека тие биле одржани во согласност со законската рамка на Косово и дека се направени обиди тие да поминат без проблеми. Сепак, според ЕУ, тие не нудат долгорочно политичко решение за четирите општини, кое, како што соопшти тогаш Европската служба за надворешни прашања (ЕЕАС), е можно само со трајно враќање на косовските Срби во институциите.

Од Амбасадата на САД во Косово, по изборите излегоа со став дека тие се одржале во согласност со Уставот и законите на државата и изразија жалење што сите партии не го искористиле своето право на учество.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

(ВИДЕО) Германија: Ние сме пријатели на македонскиот идентитет и јазик, но ако нема уставни измени летово, вашата иднина ќе биде нејасна

Следно

Британската влада потрошила 200 милиони долари за погребот на кралицата Елизабета Втора

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop