АЈДИН (АА) – Избирачките места низ Туркије се отворени утринава во 8 часот по локално време, со што започна гласањето на претседателските и парламентарните избори, јавува Анадолу.
Фоторепортерот на Анадолу забележа необични фотографии од едно од избирачките места во западниот турски град Ајдин, каде што гласачите дојдоа да гласаат во традиционални носии.
Граѓаните облечени во народна носија гласаа во основното училиште „Хидирбејли“ во округот Герменџик, Ајдин. Станува збор за народна носија специфична за областа Ајдин, Мугла и Испарта.
„Одлучивме да гласаме во нашата народна носија. Нека им е со среќа на нашата татковина и на целиот народ“, рече Мехмет Сари.
Граѓаните на Туркије денес гласаат на претседателските и парламентарните избори, а избираат меѓу тројца претседателски кандидати и 24 политички партии и 151 независен кандидат за Парламентот, кој има вкупно 600 пратенички места.
Право на глас на изборите имаат 64,1 милиони луѓе, а првпат ќе може да гласаат повеќе од 4,9 милиони турски граѓани.
Извор: www.aa.com.tr
