Фон дер Лајен во Киев: Украина е соодветно место за одбележување на Денот на Европа

Во објавата на Твитер, шефицата на Европската комисија ја поздрави одлуката на украинскиот претседател кој донесе декрет според кој во неговата земја 9 Мај ќе се слави како Денот на Европа, притоа отфрлајќи ја традицијата според која во Украина на овој ден се одбележуваше Денот на победата во Втората светска војна

Шефицата на Европската комисија, Урсула фон дер Лајен, утринава пристигна во Киев каде што ќе го одбележи 9 Мај – Денот на Европа.

По пристигнувањето во украинската престолнина, Фон дер Лајен на Твитер напиша дека Украина е соодветно место за славење на Денот на Европа – место каде што секојдневно се бранат вредностите кои ни се драги.

„Добро е што се вратив во Киев – онаму каде што вредностите кои ни се драги се бранат секојдневно. Тоа е соодветно место за славење на Денот на Европа“,

напиша Лајен во објавата на Твитер.

Во објавата, Фон дер Лајен ја поздрави и одлуката на украинскиот претседател кој донесе декрет според кој во неговата земја 9 Мај ќе се слави како Денот на Европа, притоа отфрлајќи ја традицијата според која во Украина на овој ден се одбележуваше Денот на победата во Втората светска војна.

• Зеленски: Русија ќе биде поразена како што беше поразена нацистичка Германија

„Ја поздравувам одлуката на претседателот Зеленски да го прогласи 9 мај за Ден на Европа. Украина е дел од нашето европско семејство“,

вели шефицата на Европската комисија.

Good to be back in Kyiv.

Where the values we hold dear are defended everyday.

So it is such a fitting place to celebrate the day of Europe.

I welcome President @ZelenskyyUa‘s decision to make 9 May Europe Day also here in Ukraine. pic.twitter.com/MEGOEfgyIq

— Ursula von der Leyen (@vonderleyen) May 9, 2023

Лајен пристигна во Киев со ноќен воз од Полска, за време на посетата, таа ќе се сретне со украинскиот претседател Володимир Зеленски и со него ќе разговара за аспирациите на Украина за членство во ЕУ.

„Мојата посета на Киев денеска е симболична, но исто така е знак за тоа дека ЕУ работи рака под рака со Украина за многу прашања“,

рече Фон дер Лајен по пристигнувањето во Киев.

Таа рече дека една од целите на разговорите со Зеленски е да се подготви теренот за почеток на пристапните преговори, но на ниту еден начин не навести кога Украина би можела да стане следната членка на Унијата. Единствено кажа дека Украина е дел од европското семејство.